Хорбоо юртэмсын тооhо залгин,

Шамгүй ябаха юунэйхинь аабдаа.

Хүсэн шамайгаа ошохо заяамни

Шэнээр hалбараагүй сэсэг мэтэл.

 

Инаг дуранда этигээгүй минии

Илдам налгай гэхээр бэшэ хүсэл

Хоёр зүрхэнэй гуниг боложо,

Холын мүшэдэй шарайгаар шатаал.

 

Ажабайдал гээшэ энэ юм гү?!

Алтан заяата дураяа алдабал,

Саашаа үшөө ямар ушарнууд

Сэлмэг огторгойн дуугаар залархаб?

 

Шамгүй энэ нараншье наран мэтээр

Шаранагүйл даа, намай дулаасуулан.

Шамгүй энэ hарашье hара мэтээр

Шэртэнэгүйл даа, намай миhэрүүлэн.

 

Хүнэй хуби заяан иимэ юм гү?

Хайшаа сэдьхэлэйм далай шэргэнэб?

Халуун дураяа замдаа алдаhан

Хүхюутэй байха гү, энэ наhамни?

 

Зүрхэ сэдьхэлни ехээр уйданхай,

Зүүдэмни шамаяа hанан hажанхай,

Гуниглаад hанаамни hүнеэр уйланал -

Гансаараа би энэ дэлхэй дээрэ…

 

31.07.09

Посмотреть больше — RSS

Анкета пользователя

Комментарии

Комментарий к: Svetbar
"Шамгүй энэ hарашье hара мэтээр Шэртэнэгүйл даа, намай миhэрүүлэн." Мандал Шива

Комментарий к: BayarGunzenbalay
БАЯРМААГАА амаршалаяа Алатрганада туйлаhан амжалтаарынь!!!

Комментарий к: Bayarmaa
to:Svetbar Би мэдээгуйлби.