Уни сагай уйдэлэй уняар

           Улхэлдэн ерэнэ ухаадам…

Хамаг арадтаа хулеэлгэhэн

Сэдьхэл зурхэндэмнэй дулаахан

Сагаан удхата  hайндэр

Сагаалгамнай орожо ябаа hэн…

Буряад хунэй эгээн хундэтэй

Булан-хойморто табигдаhан

Гунгарбаа сооhоо хугшэймни

Гуулин бурхадаа гаргаа hэн.

Яларуулан, аршан, сэбэрлэн,

Ямбалан, тэдэнээ хундэлэн,

Маанияа шэбшэн, hугэдэн

Адисаа аhаан бааюулаа hэн.

Амтата шэхэр, конфетэеэ

Арьбинта бухэлеэр мяхаяа

Арюун хоолойнгоо дээжые

Бурхадтаа ургэн  табяа hэн.

Хажуугаар харайhан бинь

Хуршын басаган Доржимаатаяа

Хул доогуурнь торолдонобди,

Бурхаараа наадаха hанаатайбди…

-Баиро-о! Харыш наашаа,

Бурханшни гуйшо-ол!-гээд,

Доржимаам намайгаа сошоон,

Ташаганаса энеэнэ,  бурхадаа заана.

-Хургаараа бурхаяа заахагуй юм,

Хургантнай хаташаха»- гэhэн

Хатуу зантай хугшэнэймни

Зандан байхань дуулдана.

Узэг бэшэг шудалаагуй

Эрдэмэй дээжэ хуртоогуйшhаа

Хэнhээш сэсэн эжымни hургаал

Сэдьхэлдэм орон hанагдана.

-Ажалша хун амаар дуурэн,

Залхуу  хун хубхай хооhон.

-Худалша хунэй хэлэн элэдэг,

Хулгайшанай яhан элэдэг юм.

-Оодэнь хаяhан шулуун

Оорын толгойдо бууха юм.

-Хундэ мууе hананхаар,

Хундэ hайниие hанаха юм…

-Ута хормой хул ореодог, 

Ута хэлэн хузуу ореодог юм.

-Гол гаталаагуй аад,

Гуталаа  тайладаггуй юм…

Гэхэ мэтын оньhон угэнуудэй

Гунзэгы удхыень ойлгуулан

Гэмэрэн ходо хэлэдэгынь

Гэнтэ hанаандам ороно.

Турэл тала дайдаяа

Тоборгон hандаахагуй,

Урдажа байhан уhандаа

Муухай юумэ хаяхагуй…

Модо хушоо хэрэгтэгуй

Мундуурхан отолхогуй,

Хангайда удэhэн ан гурооhэ

Хомхойрон хюдахагуй…

Буян. Сахюуhан. Этигэл,

Бурханай орон. Нарин байдал,

Нугоо наhан. Хайра. Гамнал,

Эхэ орон. Энхэрэл. Найдал….

Турэл арадайм унинhоо сахиhан

Нангин угэнудэй удхыень

Гэнэхэн намдаа ойлгуулан,

hургаан байдаг hэн, эжымни...

Саг жэлнуудэй унгэрхэ бури

Сэсэн хугшэймни hургаалынь

Сэдьхэлэйм оеорто уургайлан,

Сахюусан болон мунхэрнэл.

Посмотреть больше — RSS

Анкета пользователя

Комментарии

Комментарий к: Tamirtay
Сагаалганаар! "Сагаалха" гээшие тооногуйб

Комментарий к: bairab
Ерэжэ ябаhан Сагаан hараар!) Би баhа элдэб "сагалить", "сагаловка" гээшые ойлгодоггуйб.