Инча тынча везде - ТУНКА :)

Тонтоева Вика,10кл
Аршаан… ямар hонин үгэ бэ?
Аргалха шэдитэй уhан юм.
Аршаан… Ямар hонин нютаг бэ?
Амар заяатай орон юм.
Саяан хадын оройе
Сагаан саhан хушадаг юм
Аршаан нютагай байдалые
Ажалша зон шэмэглэдэг юм
Аршаан… Ямар гое нютаг бэ?
Амар заяатай орон юм.

Амбаев Э., 10кл
Саяан хадын хормой доро
Сэсэн хүнэй сэдьхэл мэтэ
Самряан hайхан нютаг бии.
Саяанhаа харьялдаг Аршаан бии
Жэлэй дүрбэн сагта
Жэгдэ тэгшээр hалбарнаш
Зон түрын тамирые
Заатагүй дээшэлүүлнэш
Аршаан-манай омогорхол
Аршаан-манай домог даа.
_________________
Ибу Ибуди Дэ Дао Муди. (Б.Молонов)

Хамагаев Валерий,10кл
Аршаан-түрэл нютагнай
Аршаан-манай үлгымнай!
Түшэг болоhон хадануудшни
Тунгалаг арюун уhануудшни
Баян ой тайгануудшни
Бэеын тамир дээшэлүүлнэ
Аршаан-түрэл нютагнай
Аршаан-манай үлгымнай!

Сыремпилова Туяна,10кл
Саяан хадын шуhан-Хэнгэргэ
Аршаан нютагаар урдана
Сэбэр hайхан хүгжэмөө
Буряад зондоо дуулана
Ямаршье жэлэй сагта
Һалбаран байнаш, Аршаамни!
Саяан хадын амин-Хэнгэргэ
Хамаг зоноо ундалуулнаш
Хэтэ холын түүхые
Дуун соогоо зэдэлүүлнэш.
Хэтын хэтэ үедэ
Жарган байгыш,Аршаамни!
_________________
Ибу Ибуди Дэ Дао Муди. (Б.Молонов)

Сантуева Татьяна,10кл
Үндэр hайхан хадын доро
Заахан нэгэ нютаг бии
Хадын эгсэ оройhоо
Хүүюур уhан харьялдаг.
Хэнгэргэ голнай тэндэhээ
Хүгжэмөө эхилэн зэдэлүүлдэг
Хүнэй сэдьхэл баясуулан
Холуур саагуур сууряатадаг
Сэбэр агаараар амилжа
Аршаан булагаар удажа
Амараашад бэеэ эмшэлнэ
Нютагаархид аршаанаар омогорхоно
Аршаан-манай нютаг
Агуу Буряадай шэмэг!
_________________
Ибу Ибуди Дэ Дао Муди. (Б.Молонов)

Добавлено: 17.10.13, 23:32 +0000

Аршаан.
Аршаан нютагни хубилха дуратай,
Тиигээшье hаа, гое байгаалитай.
Үглѳѳгүүр бодоод харахадам,
Тэнгэридэ наран ялайба.
Һургуулидаа ошожо ябахадам,
Һалхин ехээр бууба.
Һонин уларил байнадаа,
Ехэл хубилха дуратайл даа.
Хэшээлээ дүүргээд гэртээ харибаб,
Урдаhаам ууртайхан бороо аашалба;
Түргэн ябахадам – шангадана,
Ааляар гэшхэлхэдэм-аалидана;
Ехээр норонхой гэртээ хүрэбэб.
Үдэшэ болобо, үүлэн тараба,
Наран дулаанаар шарана…
Аршаанайм уларил hонин даа!
Галсанова Зоя, 8-дахи классай hурагша
_________________
Ибу Ибуди Дэ Дао Муди. (Б.Молонов)

Обсуждаемое