Стихи на бурятском, буряад шүлэгүүд

Интернэдэй хизаарта танилсаhан
Илдамхан нүхэдэйм нэгэн,
Тунгалаг гүнзэгы ухаантай,
Эгээл дүтэ болоhон нухэрни.

Дуратайб гэхэдэм хоринош,
Үгын хүсые hануулнаш,
Энеэбхилэн, дулаан үгөөрөө
hанаа бодолым тэгшэлнэш.

Зүрхэнэйм гунигые ойлгон
Дугай байнаш заримдаа,
Бэшэhэн юyмэтэйм боосолдон
Хараанаш, зарим сагтаа.

Үнгэрhэн хүйтэн намараа
Шамтай сугтаа дабааб,
Нюycа зарим бодолоо
Гансал шамтай хубаагааб.

Үдэр бүри хүлеэнэб
Богони болоhон бэшэгүүдыш,
Бэшээгүйдэш үгылнэб,
Сүлөөтэй болохыш гуйнаб.

Надежда Цой
http://naydal.com/category/minii-sh%d2%afleg%d2%af%d2%afd/

Добавлено: 29.12.11, 17:27 +0000

Шамгүй зүрхэмни хооhороо,
Гэжэ hанааб. Yгы. Алдааб.
Дуратай хүмни олон ха юм.
Шамгүй дуулахаа болёоб,
Гэжэ hанааб. Yгы. Зандааб.
Сэдьхэлэйм дуунуд олон ха юм.

Шамгүй наран толорhон зандаа,
Шамгүй Дэлхэй эрьеhэн зандаа,
Гансал зүрхэндэм гуниг бадараа,
Шамгүй, дурамни, шамгүй…

Шамгүй жаргахаа болёоб,
Гэжэ hанааб. Yгы. Алдааб.
Жаргааха хүмни олон ха юм.
Шамгүй энеэхээ болёоб,
Гэжэ hанааб. Yгы. Зандааб.
Хани нүхэдни олон ха юм.

Шамгүй наран толорhон зандаа,
Шамгүй Дэлхэй эрьеhэн зандаа,
Гансал зүрхэндэм гуниг бадараа,
Шамгүй, дурамни, шамгүй…

Добавлено: 25.01.12, 02:05 +0000

яhала hайхан шүлэгүүд байна.

Обсуждаемое